Павлодар
2021 жылғы 20-21 қарашада Павлодар қаласында баскетболдан қазақстандық арнайы Олимпиада турнирі өтті. Баскетболдан республикалық турнирді өткізудің мақсаты: Арнайы Олимпиадалық қозғалысты насихаттау; спортпен шұғылдануға зияткерлік мүмкіндіктері шектеулі жаңа спортшыларды тарту; қоғамның, мемлекеттік және қоғамдық ұйымдардың зияткерлік мүмкіндіктері шектеулі адамдарға деген көзқарасын өзгерту және назар аудару болып табылады. Турнирге Нұр-сұлтан, Ақтөбе, Павлодар қалаларының және облыстық филиалдардың құрама командалары қатысты. Нұр-сұлтан қаласы әкімдігінің "Қамқор "ӘҚКо" КММ командасы үшінші орынға ие болды. Біздің команданың спортшыларын құттықтаймыз және одан әрі жеңістер тілейміз!